A xornada de inauguración estará dedicada á presentación do Proxecto Memoría, unha extensión do festival que traerá por vez primeira ante público os resultados dun traballo de recollida de vivencias e memorias de persoas da terceira idade da Coruña e concellos da área metropolitana que mestura no se concepto o valor documental patrimonial e a execución escénica. Entre xaneiro e marzo, coñecidos profesionais da narración oral (Soledad Felloza, Charo Pita, Caxoto e Ramiro Neira) se moveron por estes espazos escoitando historias vividas polos nosos maiores e con elas elaboraron unha narración tecida con elas que nesta xornada presentase como espectáculo. Ademais irá acompañada da proxección dunha peza audiovisual que documenta o traballo levado a cabo na recollida. Este espectáculo levarase posteriormente aos propios espazos onde se mantivo o contacto coas persoas informantes.
