Co Fórum Metropolitano da Coruña como base, o Festival de Narración Oral Falando a boca chea celebra a súa segunda edición cunha importante medra. Entre o 17 e o 21 deste mes, os concellos de Sada, Oleiros, Arteixo e espazos da Cidade Herculina como o centro comercial Marineda City e o Museo de Arte Contemporánea de Unión Fenosa súmanse ao programa deste evento. Érica González, Andrea Bayer, Chus Álvarez, Gonzalo Guerreiro, Quico Cadaval, Pedro Brandariz, Soledad Felloza, Celso Fernández e Víctor Grande son algúns dos nomes que actuarán no marco desta iniciativa, que inclúe tamén propostas para bebés a cargo de Chus Álvarez e Caxoto.
