Nun ano especialmente duro para as artes escénicas, o Festival Atlántica celebrará o Día da Narración Oral, que se celebra o 20 de marzo, cunha vintena de espectáculos ao longo de dez localidades do país (Santiago de Compostela, As Neves, O Porriño, Mondariz, Fene, Brión, Ribeira, Ourense, A Coruña e Pontevedra) e en colaboración cos festivais Sete Falares, Falando a Boca Chea e integrantes do colectivo NOGA. O manifesto de celebración do día foi elaborado pola escritora Fina Casalderrey. Entre os artistas participantes figuran Lorena Pinheiro, Raquel Queizás, Dani Blanco, Charo Pita, Pablo Díaz, Vero Rilo, Celso F. Sanmartín, Chus Álvarez, Anxo Moure, Ramiro Neira, Cris de Caldas, Marta Ortiz, Quico Cadaval, Sole Felloza ,Pavís Pavós, Baobab, Migallas e Polo Correo do Vento.
