A Cidade da Cultura acolle unha exposición sobre a relación entre surrealismo e deseño

A cidade da Cultura acolle a exposición "Obxectos de desexo. Surrealismo e deseño 1924-2020", organizada en colaboración entre a Xunta de Galicia, a Fundación "la Caixa" e o Vitra Design Museum de Alemaña. A exposición, que estará aberta ata o 28 de agosto, é unha "antoloxía sobre deseño contemporáneo e arte surrealista máis sobresaínte dos últimos tempos, e boa mostra da revolución artística que supuxo", sinalou o conselleiro de Cultura, Román Rodríguez. A mostra presenta unha selección de 280 obras con nomes moi destacados das vangardas do século XX como Man Ray, Le Corbusier, Salvador Dalí ou Giorgio de Chirico. A mostra estaba comisariada polo director do Museo Vitra, Mateo Kries.