Crear unha cidade viva e flexible alternativa ás vellas cidades é o espírito que reflicte a mostra "A cidade vivinte" que se inaugura hoxe na sé coruñesa da Fundación Barrié. Unha mostra retrospectiva da obra de FranK Lloyd Wright deseñada pola Fundación Wright, Vitra Design Museum e Exhibitions International.
Wright´s Living City
O traballo en comunidade, o comercio, o culto, a aprendizaxe, as artes, o esparcemento, as vivendas son as funsións humanas básicas que recolle o concepto de cidade de desenvolveu Wright . Un deseño no que concibe unha visión humana e idelista e que concilia a natureza cos individuos libres da comunidade. A exposición que hoxe se inaugura na Coruña reúne máis de 200 obras, debuxos, planos orixinais, libros deseñados por Wright, planos e fotografías.
Frank Lloyd Whright
Frank Lloyd Wright (1867-1959) está considerado o mellor arquitecto de américa e un dos creadores do deseño moderno. A súa proposta inovadora e desafiante á expansión do automóbil e o crecemento descontrolado de barrios periféricos outorgáronlle un renome no panorama internacional. A apertura, o dinamismo, a luminosidade e a iluminación definiron en 1900 o que se coñecería máis tarde como a experiencia moderna do espacio.
Exposicións
A retrospectiva do norteamericano Wright inicia a temporada de exposicións da Fundación Pedro Barrié. Unha inauguración que coincide coa conmemoración do 25 aniversario do inicio das actividades da Escola Técnica Superior de Arquitectura.
