Nove xardíns galegos que asoman a Europa

Un dos últimos itinerarios creados polo Consello de Europa é a Ruta Europea de Xardíns Históricos, que estende certificacións que recoñecen "o valor histórico, artístico, social e natural dos xardíns históricos de Europa". Neste itinerario figuran xardíns de países tan diversos como Alemaña, Grecia, Italia, España, portugal ou Polonia e, desde onte, nove xardíns históricos galegos, vinculados sobre todo a pazos. A Xunta de Galicia promoveu a adhesión destes espazos singulares do país, vinculados á Ruta da Camelia e, na súa maior parte, parte do conxunto monumental de diferentes pazos.