A Universidade de Vigo acaba de publicar na rede o sexto volume da revista Cumieira, correspondente a 2021, no que se recollen diferentes traballos vinculados á filoloxía galega de investigadores vinculados á Universidade de Vigo. Desta volta, Abraham Castro realiza unha "análise materialista" de Retorno a Tagen Ata, unha das obras máis emblemáticas de Xosé Luis Méndez Ferrín. Ángela Otero Fontán estuda o rico repertorio de alcumes da parroquia de Darbo (Cangas do Morrazo) e Nuria Bouzas Antas achégase a unha das crónicas de viaxes sobre Galicia no século XX, as Aguafuertes gallegas de Roberto Artl.
