O Pazo da Cultura de Narón acolle desde este 4 de marzo a sexta xeira do Festival Internacional do monólogo teatral Singular. A galardoada actriz Magüi Mira abrirá o programa a se pór na pel Molly Bloom, mentres este sábado será Quico Cadaval o encargado de levar a escena o seu Complexo de Edipo.
A nena que vivía nunha caixa de mistos, de Caramuxo Teatro, correrá coa función de domingo. A partir de aí o festival continuará ao longo das fins de semana deste mes ata completar un total de doce monólogos, incluír tres funcións de carácter infantil.
Lucía Trentini, a premio Goya Blanca Portillo, Larraitz Urruzola, Empatía Teatro, Dayana Contreras, Xarope Zulú, com dúas montaxes, Déborah Vukusic e Isabel Risco completan os nomes da programación para todas as idades, que abrangue xéneros como o teatro ou os títeres e que nalgúns casos mesmo incorpora música ao vivo.
De xeito paralelo ao programa da actuacións, o festival recolle un encontro entre profesionais da programación cultural estatal e internacional membros de Redelae con compañías de teatro galegas, ademais dunha mesa redonda sobre "Circulación Internacional de Espectáculos Teatrais" na que participarán Gustavo Zidan (Uruguai), Octavio Arbelaiz (Colombia) e Zaida Sánchez (Costa Rica).
