Un retrato en banda deseñada de Emilia Pardo Bazán a mesturar realidade e ficción e a incorporar situacións dos seus propios relatos. Esta é a proposta que fan Inacio Vilariño e Iván Suárez en O voo da curuxa. Unha tarde no pazo de Meirás con dona Emilia, o novo lanzamento de Demo Editorial.
Os dous creadores repasan a figura da autora a partir das horas que esta, xa nos seus últimos meses de vida, pasou co cineasta Eduardo Zamacois para o que sería o único rexistro cinematográfico que se conserva dela. A nivel gráfico, Iván Suárez aposta por un estilo no que lembra os gravados da época, nunha obra de cincuenta páxinas a branco e negro que está xa a chegar ás librarías.
