A coincidir coas festas de Nadal, varios lanzamentos de banda deseñada están a chegar ás librarías do país. Da man de Demo Editorial poden atoparse dous novos títulos. Pedro e o lobo é a proposta que fan Inacio Vilariño e Iván Suárez. O álbum de 52 páxinas a cor fai parte dun proxecto que revisa a obra de Prokofiev a combinar teatro de títeres, banda deseñada e música e que vai destinada a primeiros lectores.
En paralelo, ve a luz a primeira obra do coruñés Marcos B., As aventuras de M&M. A mansión misteriosa. Este álbum de 52 páxinas a cor que segue a liña da BD francobelga presenta unha aventura para público infantil e xuvenil chea de acción e de misterio.
Finalmente, a editorial Sallybooks acaba de presentar Cósmico, el bombero galáctico, versión en castelán da obra de Fon que publicara orixinalmente Xerais.
Finalmente, a editorial Sallybooks acaba de presentar Cósmico, el bombero galáctico, versión en castelán da obra de Fon que publicara orixinalmente Xerais.
