O pasado dez de febreiro abría as súas portas Homenaxe a Zapata, a exposición coa que o Concello de Ourense homenaxea este pintor no décimo aniversario da súa morte. A sala José Ángel Valente acolle este proxecto, no que se poden ver 43 obras de diferentes formatos compiladas de coleccións particulares e institucionais.
O autor, aínda que nado na Coruña, estivo moi unido á Cidade das Burgas, onde faleceu de xeito repentino en 2011, aos 55 anos de idade. Segundo explica a presentación da mostra, "Zapata era un artista cun estilo moi persoal e recoñecible. Pintor de gaiteiros, pero tamén de corpos espidos, de viño e música -a través de instrumentos musicais-, buscaba plasmar nas súas obras a alegría da xente á que representaba".
Canda a isto, o Concello lembra que "a obra de Zapata é lembrada pola pluralidade das súas composicións e a súa capacidade para cambiar de rexistro. Bos exemplos desta variedade son a súa exposición Pintura negra e dura de gran formato -sobre o mar de Galicia e as súas mulleres- e Os amores invisibles, que ofrece as tradicións máis ourensás e o seu fermoso outono". A exposición estará aberta ata o vindeiro 27 de marzo.
O autor, aínda que nado na Coruña, estivo moi unido á Cidade das Burgas, onde faleceu de xeito repentino en 2011, aos 55 anos de idade. Segundo explica a presentación da mostra, "Zapata era un artista cun estilo moi persoal e recoñecible. Pintor de gaiteiros, pero tamén de corpos espidos, de viño e música -a través de instrumentos musicais-, buscaba plasmar nas súas obras a alegría da xente á que representaba".
Canda a isto, o Concello lembra que "a obra de Zapata é lembrada pola pluralidade das súas composicións e a súa capacidade para cambiar de rexistro. Bos exemplos desta variedade son a súa exposición Pintura negra e dura de gran formato -sobre o mar de Galicia e as súas mulleres- e Os amores invisibles, que ofrece as tradicións máis ourensás e o seu fermoso outono". A exposición estará aberta ata o vindeiro 27 de marzo.
