Vai xa un ano da morte de José Ángel Valente en Xenebra, e con ocasión deste aniversario sucédense os actos na súa honra. A asociación "A Nosa Galicia" en Suíza e a Sociedade Estatal España Nuevo Milenio, organiza un concerto homenaxe en Pontevedra.
A Nosa Galiza
A sociedade A Nosa Galiza de Xenebra honrará a memoria de Valente realizando unha serie de conferencias e de recitais arredor da figura do poeta. Os actos comezarán o día vintesete coa apertura da mostra "Cantigas de Alén" e a presentación do libro "Homenaxe a José Ángel Valente" e a edición facsímile do seu poema "Sub Nocte". Será a partir das oito e media da tarde, e a eses actos seguirá a proxección do video "Amigos: José Ángel Valente, poeta" e dúas conferencias, a cargo de Claudio Rodríguez Fer e Carmen Blanco, na que se tratarán os aspectos universais e galegos da obra do poeta. Para o sábado está prevista a inauguración dunha placa conmemorativa e o nomeamento do poeta coma Membro de Honra da asociación, acto durante o que se escoitará a composición "Serán ceniza" nunha gravación da voz de Valente.
Pontevedra
A Cidade do Lérez comeza hoxe mesmo os actos en homenaxe e Valente coa celebración dun concerto no Pazo da Cultura. A actuación, organizada pola Sociedade Estatal España Nuevo Milenio, estará a cargo do Grupo Círculo, e pretende por unha banda rendir homenaxe ó poeta e pola outra amosar as composicións de músicos españois de entre corenta e cincuenta anos. Para rendir homenaxe a Valente interpretaranse dúas obras baseadas en textos do poeta. O resto da actuación incluirá obras de Francisco Guerrero, Santiago Lanchares, José Luis Turina, consuelo Díez e Javier López Guereña. O concerto, que se inscribe dentro do congreso "Océanos III milenio" que estes días se celebra na cidade, será ás nove da noite con entrada gratuita.
A Nosa Galiza
A sociedade A Nosa Galiza de Xenebra honrará a memoria de Valente realizando unha serie de conferencias e de recitais arredor da figura do poeta. Os actos comezarán o día vintesete coa apertura da mostra "Cantigas de Alén" e a presentación do libro "Homenaxe a José Ángel Valente" e a edición facsímile do seu poema "Sub Nocte". Será a partir das oito e media da tarde, e a eses actos seguirá a proxección do video "Amigos: José Ángel Valente, poeta" e dúas conferencias, a cargo de Claudio Rodríguez Fer e Carmen Blanco, na que se tratarán os aspectos universais e galegos da obra do poeta. Para o sábado está prevista a inauguración dunha placa conmemorativa e o nomeamento do poeta coma Membro de Honra da asociación, acto durante o que se escoitará a composición "Serán ceniza" nunha gravación da voz de Valente.
Pontevedra
A Cidade do Lérez comeza hoxe mesmo os actos en homenaxe e Valente coa celebración dun concerto no Pazo da Cultura. A actuación, organizada pola Sociedade Estatal España Nuevo Milenio, estará a cargo do Grupo Círculo, e pretende por unha banda rendir homenaxe ó poeta e pola outra amosar as composicións de músicos españois de entre corenta e cincuenta anos. Para rendir homenaxe a Valente interpretaranse dúas obras baseadas en textos do poeta. O resto da actuación incluirá obras de Francisco Guerrero, Santiago Lanchares, José Luis Turina, consuelo Díez e Javier López Guereña. O concerto, que se inscribe dentro do congreso "Océanos III milenio" que estes días se celebra na cidade, será ás nove da noite con entrada gratuita.
