Tres leccións de tebras, o último traballo do poeta ourensán José Ángel Valente, recentemente falecido, ven de ver unha reedición con gravados do pintor alicantino Ramón Pérez Carrió. A nova edición enmárcase nos actos de homenaxe que se tributarán ó escritor na Cidade das Burgas.
Edición limitada
A nova edición de Tres leccións de tebras, realizada pola editorial Linteo, constará unicamente de cen exemplares numerados e asinados, elaborados con materiais de orixe artesana, coma papel natural de fibra de algodón, ligazóns de gamuza e cáñamo e corda de pergameo albo de ovella. Os gravados de Pérez Carrió realizáronse sobre unha matriz de zinc, e tamén deseñou a cuberta, orla, letras, filigranas e cabeceiras.
Actos
Ourense homenaxeará a Valente cun acto que se celebrará mañá no Liceo Recreo Ourensán. O acto estará organizado, ademais de polo Liceo, polo Concello e por edicións Linteo. Este acto servirá tamén de presentación para o libro-homenaxe.
