Cuac FM, a emisora que naceu hai 25 anos dun grupo de universitarios coruñeses, celebra o seu aniversario cun documental que recolle a historia da emisora e o seu impacto na cidade da Coruña. O documental estrearase este xoves 10 de febreiro ás 20:30 horas no Teatro Colón da Coruña, e está dirixido por Iago Prada. A emisora concibe esta peza audiovisual como unha "homenaxe" aos colaboradores da estación pero tamén á propia esencia das radios e televisións libres e comunitarias. Durante estes 25 anos Cuac FM acolleu 480 programas de radio distintos e máis de mil colaboradores ao longo deste tempo. A entrada para a estrea custa 2 euros, que irán destinados á Cociña Económica da Coruña.
Trailer do documental
