A maior parte da muralla de Monforte pasa a ser propiedade municipal

A muralla de Monforte preserva 800 metros de perímetro que agora pasarán a ser inscritos, na súa maior parte, no inventario de propiedades municipais, segundo publica hoxe La Voz de Galicia. Existe outra pequena parte que pertence a Turespaña, e que a Casa de Alba cedera ao organismo estatal en 2003. Está vinculada ao Parador de Turismo e a intención de Paradores e o concello é que se restaure tamén. O obxectivo do alcalde é tentar acceder a subvencións para poder executar proxectos de restauración e consolidación. A muralla conta cun Plan Director desde 2008 aínda sen iniciar.