Muxía terá o seu parador logo dun acordo entre Xunta, Turespaña e concello

O alcalde de Muxía acudiu a Fitur, feira de turismo que se desenvolve en Madrid, a promover o seu concello e volveu co compromiso escrito de que, por fin, contará co duodécimo Parador. Foi a gran promesa do Prestige que esmoreceu co tempo. Onte, o conselleiro de Cultura e Turismo, Roberto Varela, o alcalde do Concello de Muxía, Félix Porto e o director xeral de Turespaña, Antonio Bernabé asinaron o documento que permitirá construir o complexo hostaleiro. Cultura achegará 312.000 euros que se xuntan ao 90.000 xa pagados con anterioridade logo de que a Xunta anunciara a súa intención de cancelar a licitación do proxecto por irregularidades. O edificio, deseñado polo arquitecto vigués Alfonso Penela, ten un orzamento de 24 millóns de euros.