Alfonso Penela faise co concurso do parador de Muxía

“A integración do proxecto nun espazo singular, a funcionalidade dos accesos e o deseño dos volumes do edificio acorde coa orografía da zona” son os valores que destacou María José Caride, conselleira de Política Territorial, do proxecto de Alfonso Penela Fernández. Ou o que é o mesmo do arquitecto gañador do concurso para a construción do parador de Muxía. Despois da aceptación por parte do Penela, a seguinte fase é a sinatura do contrato no que se concretarán os prazos e a posterior licitación e adxudicación das obras a cargo do Instituto de Turismo de España (Turespaña). A contía das obras ascende a 20 millóns de euros e permitirá converter o centro nun centro de talasoterapia con 90 habitacións e ximnasio. Deste xeito desbloquéase a construción do parador que levaba seis anos parado.