Muxía contará cun Centro dedicado á Cultura Contemporánea

A Consellaría de Industria achegará 300.000 euros para a construción en Muxía dun Centro de Cultura Contemporánea, segundo anunciou onte o alcalde desta localidade, Félix Porto. O novo espazo contará cunha colección de arte de diferentes creadores galegos que cedeu por Antón Castro, actual subdirector de Patrimonio do Ministerio de Cultura. Canda a estas obras poderán verse exposicións temporais e desenvolveranse distintas actividades relacionadas coa creación contemporánea.