Miro Villar asina a biografía de Florencio Delgado Gurriarán para Xerais

O web de Edicións Xerais recolle o lanzamento de Florencio Delgado Gurriarán. Vida e obra dun poeta no exilio mexicano. Miro Villar asina esta biografía do autor homenaxeado no Día das Letras Galegas deste 2022. A obra chega este mes de xaneiro á colección Librox na que, como é habitual, quérese achegar ao alumnado de ensino secundario a traxectoria da persoa protagonista de cada dezasete de maio.

Segundo adianta a presentación da obra, de oitenta páxinas, trátase dun "libro divulgativo sobre a vida e a obra de Florencio Delgado Gurriarán, o autor das Letras Galegas 2022. Unha traxectoria marcada polo compromiso antifranquista e republicano. Unha biografía ao servizo do galeguismo desde o exilio mexicano".