Sinatura do convenio
Os tres reitores das universidades galegas constituíron o pasado martes o Centro de Investigación das Paisaxes Atlánticas Culturais (CISPAC), un organismo que reúne a diferentes grupos de investigación das diferentes universidades que traballan ao redor "da posta en valor do patrimonio, a recuperación da memoria histórica e social, as políticas de inclusión, o entendemento dos cambios no territorio, as súas formas de goberno e o desenvolvemento". O organismo estará situado no edificio Fontán da Cidade da Cultura, como parte da dotación deste espazo que tamén inclúe o traslado do Instituto de Ciencias do Patrimonio do CSIC (Incipit).
