Andrés Perea, que actuou como director nas obras da Cidade da Cultura, é o arquitecto que asina o deseño do novo edificio deste complexo. O presidente da Xunta, Alberte Núñez Feijóo presentaba onte as primeiras imaxes do Edificio Fontán que albergará, como xa anunciara, a Axencia para a Calidade do Sistema Universitario, o Consorcio Interuniversitario e o Centro Europeo de Investigación en Paisaxes Culturais. Feijóo reclamou apoio do Goberno Central para cubrir os 17 millóns de euros que custará a nova construción, que polo momento está previsto que se repartan entre o Consorcio Interuniversitario e mais a propia Xunta. A intención do goberno galego é licitar as obras do edificio no mes de xullo con vistas a ter a estrutura rematada en 2020 e xa en funcionamento para 2021. Está previsto que novo espazo acolla un total de 140 traballadores.
