A Cidade da Cultura acollía o pasado 2 de decembro a presentación de Xela. Clara Pino e Pablo Vidal fechan as homenaxes a Xela Arias do en que se lle dedicou o día das letras a presentar sete cortes con versións de textos da poeta.
Irás dirás virás, Non me conteño, Borracho, Teremos, terás e Trouxen augamel para agasallarte son os poemas dos que partiron Pino e Vidal para artellar os temas do disco, que o dúo foi dando a coñecer ao longo do ano en diferentes eventos dedicados a Arias. Aires jazz e pop e mesmo toques de música popular brasileira atópanse nun álbum no que Pino lembra a que foi a súa amiga cunha "achega á obra da poeta dende a amizade". O volume, que supón o segundo traballo do dúo, inclúe dúas versións dos primeiros textos, a sumar un total de sete pezas.
