Xela Arias, Carvalho Calero e Manuel María disputan o vindeiro Día das Letras

O vindeiro 4 de xullo o plenario da Real Academia Galega escollerá entre Xela Arias, Ricardo Carvalho Calero e mais Manuel María a figura que se homenaxeará no vindeiro Día das Letras Galegas. Logo de fechar o pasado venres o prazo para a presentación de candidaturas, a Real Academia Galega daba a coñecer as tres propostas que acadaron avais abondos de académicos para ser tomadas en consideración. As tres figuras xa foran candidatas para o último Día das Letras, que se lle dedicou a Filgueira Valverde.