Fonte: RAG
O Pleno da Real Academia Galega reúnese mañá, sábado nove de xullo, na sede da Rúa Tabernas para escoller o homenaxeado no Día das Letras Galegas de 2017. Segundo facía público a institución esta mañá, os membros da Academia deberán escoller entre os nomes de Carvalho Calero, Carlos Casares, Plácido Castro e Antonio Fernández Morales, que foron os candidatos que se presentaron con avais abondos para a súa toma en consideración polo pleno. Na listaxe de candidatos destaca a presenza de nomes novos, xa que unicamente Carvalho Calero fora proposto en anteriores ocasións. A RAG fará a pública a súa decisión nunha rolda de prensa prevista para as 13 horas.
