Ilustración dixital. Baseada nunha fotografía do arquivo familiar.
A Real Academia Galega tiña que escoller entre cinco candidatos para o Día das Letras Galegas 2018. Xunto ao sempiterno Carvalho Calero, este ano concorrían Plácido Castro, Antón Fraguas, Eusebio Lorenzo e María Victoria Moreno. Finalmente, o pleno optou pola figura desta profesora destacada pola súa producción infantil e xuvenil, coa que obtivo numerosos recoñecementos tanto en Galicia coma no exterior. É a terceira muller escollida para a conmemoración.
Segundo a Real Academia Galega, María Victoria Moreno "chegou a Galicia en 1963, con só 22 anos, como profesora e axiña asumiu a cidadanía en galego, idioma no que enriqueceu as nosas Letras tanto na narrativa -nomeadamente a infantil e xuvenil- como nos estudos literarios, no ensaio, na poesía e na didáctica da lingua e da literatura galegas"
No Álbum de Mulleres de culturagalega.gal podes consultar unha biografía da autora que inclúe unha completa bibliografía e unha galería multimedia.
