Son seis as candidaturas presentadas para converterse no vindeiro homenaxeado no Día das Letras Galegas. Onte remataba o prazo de presentación de propostas que deixaba este número, das que catro son firmes e dúas faltan por comprobar que cumpren os requisitos. As que si os cumpren a día de hoxe son as de Xosé María Díaz Castro, autor de Nimbos, obra influínte en xeracións posteriores; Ricardo Carvalho Calero, unha das pricipais figuras que simbolizan a corrente reintegracionista; Xosé Filgueira Valverde, O vello profesor, un dos creadores do Museo de Pontevedra e presidente do Consello da Cultura Galega; e Fiz Vergara Vilariño, poeta pertencente ao colectivo Cravo Fondo.
