Fotograma da serie documental.
O Portal da Lingua Galega da Xunta de Galicia acolle desde hoxe a serie documental Dic, dac, docs, dirixida á cativada de 2 a 7 anos, "co obxectivo de que adquiran vocabulario en galego". Os directores do proxecto, David Hernández e Álex Penabade, presentaron hoxe en rolda de prensa o produto. Cada capítuo está dedicado a un tema (a cidade, a horta, a casa, a granxa e os medios de transporte) e explica de maneira sinxela o diferente léxico. O guión do proxecto é de María Reimóndez.
