O rosetón de Santo Estevo de Ribas de Miño. Foto:turismo.ribeirasacra.org/
A igrexa monástica de Santo Estevo de Ribas de Miño acaba de perder un dos elementos icónicos das súas últimas décadas: os vidros coloreados do gran rosetón da súa fachada. O motivo é a súa substitución por outros vidros artesanais, transparentes, que segundo César Carnero, o delegado de Patrimonio da diócese lucense, evitan a "distorsión" provocada polas cores no interior da nave da igrexa. Os vidros de cor foran instalados nos anos 70 durante unha das restauracións do edificio.
