A propiedade de medio cento de bens mobles de Meirás está sen definir

A listaxe de bens mobles existentes no Pazo de Meirás que a avogacía do Estado reclama que pasen a mans públicas non ten en conta medio cento de elementos patrimoniais. Esta listaxe, que inclúe cadros, lámpadas ou mesas de valor patrimonial, poden quedar en mans da familia Franco se non se inclúen nesta reclamación. O conselleiro de Cultura, Román Rodríguez solicitoulle mediante unha carta ao secretario de Estado de Memoria Democrática, Fernando Martínez, que incorpore esta serie de bens, identificados polo persoal técnico da Consellería.

Rodríguez lembrou na súa carta, segundo recolle La Voz de Galicia, que está en proceso de ampliación a declaración como Ben de Interese Cultural do Pazo para incluír este tipo de bens mobles na figura de protección. Ao tempo, lembra que a falta de recoñecemento para estas pezas, que vincula tanto coa figura de Emilia Pardo Bazán como coa etapa do franquismo.