Comeza o xuízo polo Pazo de Meirás

Hoxe comezou na Coruña o xuízo pola propiedade do Pazo de Meirás. A Avogacía do Estado presentou en xullo do ano pasado unha demanda afirmando que a compra do inmoble por parte de Franco no ano 1941 foi "simulada e fraudulenta". Á demanda do Estado sumáronse o concello de Sada, a Deputación da Coruña e a Xunta de Galicia. A demanda diríxese contra seis membros da familia Franco e unha sociedade mercantil, e durará toda a semana. Non foi posible conciliación previa.