Traballos no hórreo. Foto: perfil de Facebook do proxecto
O almacén de cereais de época romana de Proendos (Sober) ficará descuberto para facilitar a súa visita turística, segundo declarou Luis Fernández Guitián, alcalde de Sober, a La Voz de Galicia. A campaña de excavación do hórreo romano localizado na campaña do ano pasado deu por resultado unha estrutura de sete muros que permite afirmar ao director da intervención, o arqueólogo Francisco Alonso Toucido, que é maior estrutura de almacenamento de cereais de época romana localizada ata o momento no noroeste ibérico. Segundo Alonso Toucido, o hórreo estaría vinculado a unha explotación agrícola relevante que podería producir excedentes que fosen máis alá do ámbito comarcal. O hórreo será musealizado a través de paneis e dunha app.
