A casa na que residía Isaac Díaz Pardo cando traballaba no complexo de Sargadelos en Cervo incorpórase ao proxecto museístico que a empresa desenvolve arredor da histórica fábrica. A vivenda, construída nos anos 70, pode se visitar dentro das visitas guiadas ás instalacións, e amosa o xeito no que vivía o fundador e histórico director deste proxecto.
O cuarto de Díaz Pardo, o seu estudio, os cuartos para familia e visitas, as cociñas e outras dependencias inclúense nun percorrido no que se poden ver múltiples recordos persoais que fan parte tamén da historia do complexo.
