A Dirección Xeral de Patrimonio abriu un expediente sancionador á empresa Sargadelos por pintar o complexo fabril que a firma ten en Cervo. O colectivo Mariña Patrimonio denunciara estes traballo, que se estaban a desenvolver sen autorización previa da Dirección Xeral e que alteraban un conxunto que conta coa declaración de Ben de Interese Cultural. Onte, a reponsable do departamento, Carmen Martínez Ínsua explicaba ante a Comisión Cuarta do Parlamento en resposta a unha cuestión da parlamentaria Olalla Rodil, que a Xunta abriu de xeito automático un expediente ao coñecer os feitos e que notificou á empresa a súa obriga de paralizar a obra de proceder á reposición da legalidade no espazo.
Co expediente aínda aberto, a Directora Xeral apuntou que está por valorar se a actuación é autorizable ou non, pero destacou que a desenvolver sen licenza supón unha infracción que será sancionada, segundo recolle hoxe Galicia Confidencial.
