O material custodiado no Instituto Galego da Información (IGI) trasladarase ao Seminario de Sargadelos, en Cervo. Unha empresa de mudanzas está a transportar esta mesma mañá cadros, libros, pezas artísticas, cartas e material de todo tipo que se gardaba no centro de San Marcos, nas proximidades de Santiago de Compostela. O vindeiro día 11 está prevista a celebración dunha asembela de socios do IGI no que se prevé o nomeamento de novos administradores para o centro, que fai parte do Grupo Sargadelos e que ata o de agora dirixía Isaac Díaz Pardo. O desaloxo prodúcese no marco do enfrontamento xudicial que mantén Díaz Pardo cun grupo de accionistas do grupo.
