Sargadelos rexeita os 4 millóns ofrecidos pola Xunta para a compra do IGI

Os accionistas do Grupo Sargadelos rexeitaron a oferta realizada pola Consellería da Presidencia para a adquisición do 75% das accións do Instituto Galego da Información (IGI). O obxectivo da Xunta de Galicia era a creación dunha Fundación titulada Seminario de Estudos Galegos, que tería a súa sede no actual edificio propiedade do IGI en San Marcos (Santiago de Compostela), onde Isaac Díaz Pardo ten a súa residencia. A estimación de 4 millóns ofrecidos pola Xunta de Galicia proviña dunha aditoría externa na que tamén se incluía o pagamento de algunhas débedas. Os accionistas de Sargadelos solicitan seguir negociando coa Xunta ou "con outros posibles compradores".