A lingua das bolboretas vence nos XXV Premios María Casares de teatro

Os XXV Premios de Teatro María Casares caracterizáronse polo reparto de premios entre moitas das 13 obras finalistas. Nunha gala celebrada este xoves no Teatro Rosalía de Castro da Coruña, a Asociación de Actores e Actrices de Galicia celebrou a súa festa anual. O espectáculo A lingua das bolboretas de Sarabela Teatro, fíxose con catro galardóns: espectáculo, dirección (Gonçalo Guerreiro), actor secundario (Fran Lareu) e adaptación-tradución (Fernando Dacosta e Gonçalo Guerreiro). Na categoría infantil, a montaxe gañadora foi Os nenos da varíola, de Pérez&Fernández. No teatro para adultos, outras obras galardoadas foron Bailar Agora, de Marta Alonso Tejada, cos premios de actriz protagonista (Marta Alonso Tejada), iluminación (Laura Iturralde) e dirección (Marta Alonso Tejada ex aequo con Gonçalo Guerreiro). O espectáculo Microspectiva dun Marica Millennial, de Incendiaria recibiu dous premios: actor protagonista (Davide González) e texto orixinal (Vanesa Sotelo e Davide González).