Unha xornada no CCG reivindica o patrimonio ferroviario de Galicia

Unha xornada no CCG reivindica a relevancia do patrimonio ferroviario de Galicia, a través de conferencias e mesas redondas nas que se percorre a súa historia, os principais elementos patrimoniais ou a importancia do fenómeno asociativo vinculado ao ferrocarril en Galicia. Todo para chamar a atención sobre "a importancia deste medio de locomoción para a saída cara aos portos desde os que a poboación emigrante viaxou entre os séculos XIX e XX e a súa importancia para o transporte das nosas mercadorías cara ao exterior". Directores de museos, historiadores, realizadores audiovisuais ou arqueólogas danse cita para dar a coñecer este patrimonio e reclamar un Museo do Ferrocarril.