A coincidir no tempo co festival homólogo de Ordes, Carballo acolle a partir deste 12 de agosto unha nova xeira de Derrubando muros con pintura. O festival de cultura urbana achega nesta edición catro novos murais á vila, que realizarán Isa Bermúdez, Nere Rama Bailando na lúa, Nazaret e
Tucho.
Ata o vindeiro 22 de agosto, ademais de comprobar como collen forma estas obras nas medianeiras da vila, o programa achega ademais outras actividades. Un encontro cos creadores participantes, un recital poético con Rosalía Fernández Rial, concertos con Mr. Kilombo e Pauliña, obradoiros de pintura e de rotulación e unha visita guiada para coñecer os novos murais fan parte do programa.
