Vimianzo M.O.L.A. convida a se mergullar na creatividade

Desde o pasado 29 de agosto e ata o 11 de setembro, o castelo de Vimianzo acolle a cuarta xeira de Vimianzo M.O.L.A. O festival que combina muralismo, oralidade, literatura e arte. Baixo o lema Un Castelo de lenda, o programa desta edición inclúe a realización de catro murais na vila, xornadas de cultura urbana, encontros literarios e artes escénicas.

Primo Rodríguez, Rakele Cavallo e Doc Toy, a render homenaxe a figuras como Manuel Rivas, Castelao, Evaristo Martelo e o campo da feira de Piroga. As obras realizaranse de xeito colaborativo co público interesado en participar. O programa conta tamén con xornadas dedicadas á cultura urbana, a incluír un concerto de Tiam Gz e unha xornada con obradoiros de tatuaxe, skate, rap, breakdance, parkour e o pintado de bolsas de tea.

A literatura, a narración oral e o teatro protagonizan o programa a partir do 4 de setembro, cunha feira de librarías, clubs de lectura, presentacións literarias e encontros con figuras destacadas da escena literaria. Manuel Rivas, Pedro Feijoo, Ledicia Costas, Pablo Rivero, Amets, Rebeca Stones, Patricia Blanco, Guadalupe Vázquez, María Canosa, Alba Mancebo, Manuel Rial, Alberto Mancebo e Manuel Gago participan destes encontros.

A isto súmanse espectáculos de Paco Nogueiras, Vero Rilo, Ghazafelhos, Mago Teto, Avelino González ou Tanea Caamaño. O domingo día 7 realizarase unha representación da Historia Dramatizada do Castelo, canda á charla "Escribir na Costa da Morte" con Manuel Rivas. Para o 11 de setembro poderá verse a obra teatral Castelao, de Culturactiva Producións.