Cartel do Ribeiro Land Art
A entidade local menor de Berán, no Concello de Leiro, acolle entre os vindeiros 25 e 27 de xuño a primeira edición do Festival Ribeiro Land Art. O encontro, organizado polo proxecto Ribeiro Land Art defínese como unha cita de "carácter naturalista e intimista reivindicando o patrimonio forestal e vitícola do Ribeiro como espazo para o encontro coas artes". Esta primeira edición amosa traballos de máis de 70 artistas tiradas das coleccións Andante e 49 Razones, Lab des sens atelier, Rebeca Ponte e Mamen Bazarra.
Para alén da exposición destas obras, o programa recolle propostas de performance e surrealismo a cargo de Nichichanimiloná con A psicose da Geisha, danza a cargo de Carlota Pérez e Jordi Cortés, a zanfona de Alejandro Dapena, a música de Astrogirl e mais ópera da man de Loli Cresto e Alejo Amoedo. O encontro conta tamén con charlas sobre cuestións como o Camiño de Santiago do Ribeiro, o barroco na comarca, a conservación patrimonio forestal, o movemento de escritores na foresta e mais a proposta Shinrin-Yoku de saúde e natureza. O domingo desenvolverase a ruta Viticultores con Arte do Ribeiro que percorrerá oito viñedos con actividades culturais e catas a cargo de diferentes adegas.
