Do 5 ao 11 de xullo a illa de San Simón acollerá a décima edición do "San Simón Fiddle", un encontro xuvenil vinculado á aprendizaxe e a destreza do violÃn folk, organizado pola Asociación Galicia Fiddle e que este ano estará dedicado a Italia. Os rapaces contarán con mestres como Alfonso Franco, Begoña Riobó, ou Anxo Pintos, canda artistas estranxeiros convidados como Rémy e Vincent Boniface, Sergio Caputo, Francesco Busso, Ilio Amisano e Marta Roma. Para conmemorar os dez anos do campamento, vaise realizar un disco especial de fiddle interpretado polos rapaces e rapazas como solistas que interpretan pezas tradicionais, apoiados polos mestres e outros compañeiros. A maiores, o venres 2 comezará o encontro musical e cultural Encordass, destinado a adultos, e que este ano contará coa participación de músicos italianos.
