Un total de 650.000 "para poñer en valor e garantir a correcta conservación do claustro" da Catedral de Lugo. Este é o investimento que realizará a Xunta segundo anunciou este 29 de maio Román Rodríguez, conselleiro de Cultura, nunha visita a este templo. Os traballos, que se licitarán este mes de xuño, queren resolver diferentes patoloxías derivadas do paso do tempo e de factores ambientais que afectan a este espazo do templo.
Os traballos insírense no Plan Catedrais que o Goberno Galego anunciou que se desenvolverá ata o vindeiro 2027 e que afectará tamén aos templos de Ourense, Tui e Mondoñedo. De xeito previo aos traballos de recuperación desenvolvéronse no espazo do claustro unha unha serie de sondaxes arqueolóxicas nos que se localizaron restos de diferentes épocas desde o período romano, a incluír varios muros e unha necrópole de tumbas rectangulares e laxas de lousa.
