Galitoon e Culturactiva participan na nova edición de FETEN

A Feria Europea de Artes Escénicas para niños y niñas de Gijón / Xixón(FETEN) celebra entre os días 9 e 14 de maio a súa trixésima edición, nun formato mixto presencial e virtual. A xeira conta a presenza de dúas compañías galegas, que achegarán ao evento cadansúa produción. Por unha banda, Culturactiva leva ao evento Rosalía, obra teatral dirixida por Fina Calleja na que Rocío González e Cristina Collazo levan a escena a infancia da poeta galega. A obra poderá verse o día 12 en dous pases na Laboral.

Pola súa banda, Galitoon estará presente no evento con The Show Moscón. Este espectáculo de títeres de Chisco Casteleiro achega unha colección de números de circo e variedades artellado exclusivamente con bonecos. A montaxe poderá verse no paseo de Begoña os días 10 e 11, con dous pases en casa xornada.