A Feria Europea de Artes Escénicas para Nenos e Nenas (Fetén), que se celebra a partir do vindeiro 25 de febreiro en Xixón, contará este 2012 con presenza galega. O avance de programación do evento recolle datas para as actuacións de Caramuxo Teatro, que presentará Mensaxe sen botella, e mais Tanxarina Teatro, que achegará a súa obra Trogloditas. Pola súa banda eme2 participa no evento con Kafka y la muñeca viajera, un traballo que comparte cos valenciáns Albena e os vascos Tanttaka.
