O Foro Patrimonio e Sociedade pon en común na rede os resultados dun ano e medio de traballo

A canle de Youtube do Consello da Cultura Galega acolle ao longo da mañá deste 19 de abril e ata o vindeiro día 21 as mesas do Foro Patrimonio e Sociedade. Esta proposta coordinada por Rebeca Blanco-Rotea repasa en tres sesións os resultados de ano do medio de traballo das diferentes mesas temáticas que fan parte do proxecto. A xestión patrimonial protagoniza as sesións da primeira das xornadas, mentres a segunda está centrada na transversalidade e as políticas públicas arredor desta cuestión. O día 21 serán a educación e a participación no patrimonio o eixe das intervencións do Foro, que se pode seguir íntegro no web do Consello.

O web da entidade permite ademais participar nos debates posteriores ás mesas. As achegas do público, canda aos resultados dos debates das persoas participantes no foro incorporaranse ás conclusións definitivas do foro, un documento que se prevé publicar de cara ao verán.