Onte púxose en marcha agora.gal, unha "unha plataforma de agregación e distribución de contidos dixitais" que busca xenerar máis tráfico para os proxectos dixitais en lingua galega. O proxecto conta cunha portada na que publican contidos procedentes das corenta fontes asociadas, ofrecendo unha fiestra á actualidade do contido dixital en lingua galega na rede. Este "medio de medios", como se definen, nace porque "hai moitos proxectos interesantísimos que só descubrimos unha vez que comezamos a argallar isto. Internet non reserva o mellor dos lugares á información en galego. Entón, por que non impulsar un lugar de referencia desde o que chegar a ela?". O sistema indexa automaticamente as fontes e as vai clasificando por seccións.
