Este 27 de marzo presentábase ao público Viveiro 1810, augas mortais, a banda deseñada na que Primitivo Marcos retrata os naufraxios da fragata Magdalena e do bergantÃn Palomo nas costas da Mariña Lucense. O Servizo de Publicacións da Deputación de Lugo publica este volume a branco e negro e con textos en galego e castelán como parte das conmemoracións do bicentenario desta traxedia que provocou 550 mortes. Marcos narra a historia desde a perspectiva dun suposto asistente de Blas de Salcedo, capitán da fragata Magdalena, desde os precedentes da misión destes barcos na loita contra os franceses ata os efectos da traxedia.
