Ilustración da BD Viveiro 1810. Augas mortais
O 2 de novembro de 1810 unha flota destinada a tomar a fortaleza francesa de Santoña sofre un temporal diante das costas de Viveiro. A fragata Magdalena e o bergantín Palomo afúndense onda a praia de Covas, provocando oitocentas vítimas. Para comemorar este desastre, o concello de Viveiro organiza diferentes celebracións, entre as que está a vindeira publicación dunha banda deseñada co título Viveiro 1810. Augas mortais realizada por Primitivo Marcos. A obra terá trinta páxinas a branco e negro en formato apaisado, cunha tira de cadriños por páxina. Ata o vindeiro 14 de novembro pode verse no antigo concello da vila unha mostra na que se recollen bosquexos, páxinas rematadas e deseños de personaxes co traballo de Marcos nesta obra.
