Co obxectivo de recuperar o patrimonio arquitectónico e arqueolóxico, e a súa posta en valor turístico, a Xunta e o Concello de Santiago acaban de constituír a Comisión de Patrimonio. É a primeira das tres comisións que funcionarán para desenvolver o estatuto especial da capitalidade de Santiago. Na primeira xuntanza desta comisión, á que aínda faltan por incorporarse dous representantes da Xunta e do Concello, establecéronse os seus proxectos. Entre eles atópanse o equipamento do parque de Belvís, o proxecto para facer un parque arqueolóxico entre A Rocha e Conxo e a elaboración dun plan de restauración de monumentos.
Máis información en La Voz de Galicia
