Hai máis dunha década que se ideou un proxecto para protexer o Parque Arqueolóxico da Rocha. Sen embargo, o Plan Especial de Protección e Acondicionamento do Parque Arqueolóxico que acaba de pór en marcha o Consorcio reduce o ámbito de protección. Unha delimitación que xenerou malestar entre os vecinos quen, a través da asociación cultural Rocha Forte, denuncian que o ámbito de protección do parque deixa fóra vestixios históricos como o castriño de Conxo e os petroglifos.
